Анталия ва ё Анталиё – шаҳри истироҳатию фароғатӣ буда, бо бандари бузургсоли худ дар ҷаҳон маъруфият пайдо кардааст. Бандари Анталия дар соҳили баҳри Миёназамин бо киштиҳои хуруд бузург, соҳилҳои истироҳтаӣ ва меҳмонхонаҳои бузургҳаҷм ороиш ёфтааст.

Бинобар оби шафофи гулобиранги баҳри Миёназамин ҳамасола ҳазорҳо сайёҳон ба ин соҳил-Анталия ташриф меоранд. Агар аҳолии Анталиё ба як миллион расад, пас як миллиони дигар ин сайёҳон мебошанд.

Чанде маълумот дар бораи мавзеъҳои сайёҳии Анталия:

Дарвозаи Адриан

Дарвозаи Адриан, ки ба ифтихори ӯ зимни ташрифи Анталия дар соли 130 сохта шудааст ва манораи Хидирлик, ки дар асри 2 сохтмон гардидааст, намои хушманзараи соҳилро пеши назар меорад. Дарвозаи Адриан, ки ҳамчун даромадгоҳ ба шаҳри Кӯҳна хидмат мекард, аз империяи Рум мерос мондааст. Он вақт шаҳр ба бандари шукуфон табдил ёфта буд ва ба қалъаҳои мустаҳкам ҷиҳати ҳифз будан аз ҳуҷумҳои ногаҳонӣ ниёз дошт. Дар назди дарвоза боғчаи фароғатие фароҳам оварда шудааст, ки дар он шумо метавонед ба лаззати хосса — дар зери шохаҳои паҳншудаи дарахтон, ки дар асри худ марҳилаҳои душвори таърихи ҷаҳонро дидаанд, чой нӯшед. Дар боғ чойкашон бо чойникҳои азими мисӣ сайр мекунанд, ки онҳо нӯшокиро ба пиёлаҳои шишагии анъанавӣ мерезанд. Барои пардохт кардан, танҳо тангаҳоро дар дӯкон гузоштан кофист; арзиши чой 2 TRY (»3,5 смн.).

Кӯҳи Тюнектепа ва таноброҳ

Дар канори Анталия, дар шаҳраки истироҳатии Конялта зебоии соҳилро аз кӯҳи Тюнектепа дидан мумкин аст. Дар болои кӯҳ майдончаи тамошо ҷойгир аст, ки аз Анталияро бо тамоми ҷалоли худ мебинед: бандарҳо, занҷири қаторкӯҳҳо, Баҳри Миёназамин ва мавҷҳои ҷудокунандаи қайиқҳо ва киштиҳо. Ба болои Тюнектепа тариқи таноброҳ (фуникулёр) мебароянд, ки он ҳамарӯза, ба истиснои душанбе, аз соати 10 то 18 кор мекунад. Нархи чипта - 15 TRY (»24 смн.).

Перга

Дар қаламрави Туркия осори қариб ҳамаи тамаддунҳои пешрафтаи қадимӣ боқӣ мондаанд. Дар ин ҷо ҳодисаҳои Ҷанги Троянӣ ба вуқуъ пайвастаанд. Дар ин минтақаҳо Искандари Мақдунӣ дар сайру гашт мекард, дар ин ҷо империяи рум авҷи худро дошт. Воқеаҳо ва ривоятҳои таърихии Ҷаҳони Қадим дар Памфилия, ки дар онҷо шаҳри бостонии Перге ё Перга ҷойгир аст, ба ҳам пайвастаанд. Перга харобаҳои хеле ҷолибе мебошанд, ки барои амиқтар вориди таърих ва саргузаштҳои он шудан, беҳтараш  ба онҷо саёҳат намуд. Воридшавӣ, мустақилон 43 TRY (≈70 смн.), аммо дар шаҳр нуқтаҳои зиёди хизматрасонии сайёҳӣ ёфтан мумкин аст, ки фармоиши роҳбалади русидон тахмин 300 TRY (≈770 смн.) арзиш дорад.

Аквапарк Акваленд

Бо кӯдакон сафар мекунед ва ё худ ҳоло айёми наврасиро эҳсос доред, пас боздид аз бузургтарин аквапарк “Акваленд” беҳтарин қарор аст. Дар ҳудуди аквапарк нӯҳ намуди слайдҳои (тунелҳои) мураккаб, ҳавзҳои сершумор, шаҳраки обӣ ва ҳатто делфинария мавҷуданд. Дельфинҳои маҳаллӣ на танҳо зебо ва зираканд, онҳо инчунин рақсҳои ҳайратангезро намоиш медиҳанд ва ҳатто расмҳое тасвир мекунанд, ки онҳоро фавран дар музояда харидан мумкин аст. Аз аттраксионҳо низ, муносибашро интихоб кардан мумкин аст: барои истироҳат — "Дарёи Танбал", ки дар он шумо метавонед оромона лағжед, барои фароғати пурэҳсос — ба дарёи "Маҷнун" равед, бо аҳли оила мумкин аст ба дарёи "Мулти" ворид шавед. Чипта барои як рӯзи пурра, барои калосолон 90 TRY (≈ 144 смн), аммо барои кудакон 60 TRY (≈ 95 смн.) арзиш дорад.

Соҳилҳои Анталия

Соҳилҳои Анталияро метавон мавзеи махсуси истироҳатӣ номид. Ин соҳилҳо беҳтарин ва машҳуртани ҷойи оббозӣ баҳогузорӣ гардидаанд. Яке аз соҳилҳои маъруф ва қадимтарин дар Анталия, ин соҳили Мармарли воқеъ дар Калейчи мебошад. Он ба бандар наздик аст ва аз курсиҳои зиёди истироҳатӣ иборат аст. Барои расидан ба он шумо бояд аз зинапояи баланди чӯбӣ поен равед. Соҳил регзор аст, оби баҳр хеле шаффоф, аммо қаъри он санглох аст. Ворид шудан ба ҳудуди соҳил 17 TRY (≈ 27 смн.) арзиш дорад, ки ба он роҳаткурсӣ ва чатр дохил мешавад).

Аквариуми (Океанариуми) Анталия

Ин аквариум яке аз бузургтарин чунин иншоот дар ҷаҳон аст, он соли 2012 таъсис ёфтааст. Ин яке аз мавзеъҳои машҳуртарини Анталия дар байни сайёҳон ва худи сокинони маҳаллӣ ба ҳисоб меравад. Вақтхушӣ дар аквариум фаровон аст: аквариумҳои азим бо садҳо намуди моҳӣ бешубҳа шуморо муддати тӯлонӣ ба худ ҷалб мекунанд ва нақби 131-метраи зериобӣ, ки бузургтарин дар ҷаҳон аст, боиси таваҷҷуҳи махсус аст, шахсро ба изтироб меорад. Дар ин ҷо шумо метавонед ба ҳуҷраи барфӣ, ки тамоми сол ҳавои сард дорад, дар ҳоле ки берун аз 30-40 дараҷа гарм аст, ворид шавед. Илова бар ин дар аквариум қаҳвахонаҳо ва дӯконҳои фурӯши армуғонҳо фаъолият мекунанд, ки аз онҳо метавон истифода намуд.

Шаршараҳои Дюден

Шаршараҳои дюден - маҷмӯи шаршараҳои зеботарин дар дохили Анталия мебошанд. Шаршара ба шарофати дарёи Дюден ба вуҷуд омадааст ва аз замони Искандари Мақдунӣ машҳур аст. Шаршараҳо натавонистанд ба макони маъмул барои сайёҳон табдил ёбанд, аз ин рӯ дар тӯли солҳои зиёд боғи шаршараи боло яке аз серодамтарин дар Туркия буд. Дар шаршараи поенӣ низ боғ мавҷуд аст, аммо беҳтар аст, ки ба маҷмааи шаршаравии Дюден аз киштӣ тамошо кунед, зеро манзараи беҳтарин аз чунин шароит метавон дид. Дар ин ҷо шабонгоҳ низ, зебо аст, зеро чанде пеш шаршараи поёнӣ бо чароғҳо муҷаҳҳаз шудааст, ки онро дар шаб бениҳоят зебо ва афсонавӣ намо медиҳад. 

Барои кафолати саёҳат ва бехатарии он бо Бунёд-Тур саёҳат намоед!