МАЪЛУМОТ ОИД БА ХАТСАЙР
Номи Искандаркӯл аз Номи "Искандар" (маънояш "Александр") ва калимаи "кул" гирифта шудааст. Тибқи ривоятҳо чунин ном гирифтани кӯл аз он сабаб аст, ки Искандари Мақдунӣ ҳангоми сафар ба Ҳиндустон аз Осиёи Миена тариқи ҳамин кӯл гузаштаас.
Кӯл дар байни қаторкӯҳҳои зебои Фон ҷойгир аст, таърихи хеле бой ва қадима дорад. Гумон меравад, ки он ба ифтихори Искандари Мақдунӣ номгузорӣ шудааст, ӯро ҳамчунин дар таърих ва ҳикояҳо Искандари Зулқарнайн номбар мекунанд.
Кӯл дар қисми шимолии кишвар, дар ҳудуди ноҳияи Айнӣ дар масофаи беш аз 160 километр (аз ш.Душанбе) ҷойгир аст. Дар роҳ шумо метавонед манзараҳои аҷиб ва зебои табиӣ ва қуллаҳои барфпӯши кӯҳҳои Фонро, ки гӯё ба сӯи осмон мешитобанд, назар афканед. Дар ин ҷо кӯлҳои зебои кабуд, дарёҳои кӯҳии равон ва ҷангалҳои зебо мавҷуданд.
Масоҳати Искандаркул 3,5 километри мураббаъро ташкил медиҳад, чуқурии он 70 метр аст. Дар атрофи кӯҳҳо сатҳи оинаи обанбор хеле хуб ба назар мерасад. Ягонагии кӯл дар он аст, ки он калонтарин дар ин минтақа буда, дар баландии зиёда аз 2000 метр аз сатҳи баҳр ҷойгир аст. Ҳаҷми оби кӯл 172 миллион метри мукаабро ташкил медиҳад, дарозии соҳил 14 ҳазор метр.
Кӯли Искандаркулро гавҳараки дастони кӯҳҳо, ривояти зинда меноманд. Ба ин обанбори кӯҳӣ сайёҳони зиёде меоянд. Барои истиқомати онҳо дар ин ҷо меҳмонхонаҳои зиёде мавҷуданд. Ба ин ҷо шведҳо, англисҳо, фаронсавиҳо, олмониҳо, бритониҳо, русҳо ва худи тоҷикистониҳо хеле зиёд меоянд. Ва ҳамаи онҳо ба таври гуногун истироҳат мекунанд.
БАРНОМАИ ХАТСАЙР:
../uploads/Map.png
07:00 – оғози саёҳат аз ш.Душанбе.
- Сайёҳон дар майдони назди “Опера ва Балет” ҷамъ омада, бо микроавтобусҳои навъи / тамғаи Мерседес ба самти муайяншуда роҳсипо мегарданд. Дар тамоми саёҳат роҳбалад сайёҳонро ҳамроҳӣ намуда, ба онҳо хизматрасониҳои дахлдорро пешниҳод менамояд.
- Вақти расидан ба кӯли Искандаркӯл 3-4 соат тул мекашад. Дар роҳ / сафар, ҳамзамон сайёҳон имконияти бо ноҳияҳои Варзоб, Айнӣ ва кӯҳҳои Фон шинос шуданро доранд.
13:00 – расидан ба Искандаркӯл. Ҳамзамон, боздид аз Ғори Бутсифал (ҷойгоҳи аспи Искандар) ва Панҷчашма.
14:00 – расидан ба базаи сайёҳии Искандаркӯл, хӯроки нисфирӯзӣ. Ба сайёҳон дар ошхонаи назди соҳили Искандаркӯл хӯроки нисфирӯзӣ иборат аз хӯроки якум ё дуюм, чой, нон пешниҳод карда мешавад.
15:00 – истироҳати озод. Дар ин вақти ҷудошуда сайёҳон метавонанд дар ҳудуди Искандаркӯл аз шароитҳои фароҳамовардашуда истифода намоянд, ба оббозӣ, қайиқронӣ ва ғайра машғул гарданд (фармоиши қайиқ мустақилона аз ҳисоби худи сайёҳон сурат мегирад).
16:00 – идомаи саёҳат. Пиёдагардӣ – дидан аз Кӯли Морон ва Шаршараи Искандаркӯл. Ин мавзеъҳо дар ҳудуди 2 км ҷойигиранд, ки сайри пиёда ба онҳо беш аз як соат вақт мегирад.
17:00 – анҷоми саёҳат дар Искандаркӯл, баргашт ба самти ш.Душанбе
20:00 – расидан ба ш.Душанбе, анҷоми саёҳат.
ЭЗОҲ: маълумоти бештар бо нархҳои гуногун ва шароитҳои дастрас дар саҳифаиҳои иҷтимоӣ низ, интишор гардидаанд.
